AMRQ Amaroq Minerals Ltd.

 
TIDMAMRQ 
 

TORONTO, ONTARIO, Dec. 19, 2023 (GLOBE NEWSWIRE) -- (,,Amaroq," ,, félagið" eða ,,fyrirtækið")

Aukið gullmagn á Nanoq-leitarsvæðinu

Útgáfa á túlkunum niðurstaðna fyrir Nanoq 2023 og lok jarðeðlisfræðilegra mælinga árið 2023

***Rannsóknir Amaroq hafa sýnt fram á að í Nanoq eru þrjú svæði með berg sem inniheldur gull og kopar, allt að 20 m þykk yfir 800 m, með allt að 118 g/t af gulli og 3,83% af kopar við yfirborðið***

***Með jarðfræðigreiningum og ítarlegum gagnarannsóknum hefur möguleg stærð og umfang Nanoq-námunnar aukist enn frekar og vísbendingar eru um 25 km belti sem tengir svæðið við gullverkefnið Jokum's Shear.***

TORONTO, ONTARIO -- 19. desember 2023 -- Amaroq Minerals Ltd. (AIM, TSXV, NASDAQ Iceland: AMRQ), auðlindafélag með víðtækar rannsóknar- og vinnsluheimildir á Suður-Grænlandi, kynnir með ánægju aukna leitarmöguleika í Nanoq-gullnámunni, sem er að öllu leyti í eigu fyrirtækisins, í kjölfar frekari skoðunar á jarðeðlisfræðilegum gögnum ársins 2022 frá ALS Goldspot Discoveries Ltd. (,, ALS Goldspot"), sérfræðingum í notkun gervigreindar við námugröft. Fyrirtækið tilkynnir jafnframt um lok jarðeðlisfræðilegra rannsókna sinna árið 2023.

James Gilbertson, framkvæmdastjóri rannsókna hjá Amaroq, sagði:

,,Í kjölfar vel heppnaðra tilraunaborana Amaroq í Naluanq á árinu 2023 hyggjumst við halda áfram að leita frekari gullgraftarmöguleika eftir öllu Nanortalik-gullbeltinu. Rannsóknin, þar sem notast var við sérfræðiþekkingu ALS Goldspot, hefur aukið til muna skilning okkar á Nanoq-námusvæðinu, sem hefur þann kost að liggja á yfirborðinu. Um þessar mundir erum við að þróa boráætlun fyrir Nanoq til að staðfesta og stækka magn í þeirri vegferð að gera Nanoq einnig að vinnslusvæði.

Nú sem fyrr heldur rannsóknarteymið okkar áfram að marka ný spor í skilningi okkar á jarðfræði Suður-Grænlands. Lokið hefur verið við jarðeðlisfræðilegar rannsóknir á u.þ.b. 10.000 km og nú tekur við ítarleg greining og túlkun á gögnunum. Þetta er til marks um einbeittan vilja okkar til að halda áfram að leita verðmætra málma í ýmsum jarðefnabeltum."

Finna má frekari upplýsingar um niðurstöður frá Nalunaq með því að smella á eftirfarandi tengil: https://www.amaroqminerals.com/investors/presentations/

Meira upplýsingar má finna í ensku útgáfunni.

(END) Dow Jones Newswires

December 19, 2023 02:00 ET (07:00 GMT)

Amaroq Minerals (LSE:AMRQ)
Historical Stock Chart
From Apr 2024 to May 2024

Amaroq Minerals (LSE:AMRQ)
Historical Stock Chart
From May 2023 to May 2024